Ամենախնամ Աստված, որ անճառելի նախախնամությամբ՝ Քո Սուրբ Հրեշտակներին առաքում ես պահպանելու մարդկանց, պարգևիր մեր զինվորներին շնորհը՝ մարտի դաշտում զգալու նրանց հզոր պաշտպանությունը։ Եւ մեր ժողովրդին արժանացրու, Տե՛ր, սուրբ սրտով և հրեշտակային հաղթական երգով գոհաբանություն մատուցելու Ամենասուրբ Երրորդությանդ՝ Հորը, Որդուն և Սուրբ Հոգուն, այժմ և հավիտյան. ամեն։
