Տե՛ր, լսիր քո ծառաների աղոթքը և փրկի՛ր, քո ժողովրդին, որ քեզ հուսաց։ Քանզի դու, Տե՛ր, բազումողորմ ես նրանց հանդեպ, ովքեր աղոթում են քեզ։
Մեր նեղության օրը քեզ աղոթեցինք, Ունկնդրի՛ր մեր աղոթքներին, Տե՛ր, և լսիր մեր խնդրանքների ձայնը։
Անօրենները հարձակվեցին մեզ վրա, Աստվա՛ծ, Թշնամիների ամբոխները մեզ պաշարեցին։ Նայի՛ր և ողորմի՛ր մեզ. Պահպանիր և զորությո՛ւն տուր քո ծառաներին։
Մեր թշնամիները պիտի տեսնեն և ամաչեն, Որովհետև դու, Տե՛ր, օգնեցիր մեզ և մխիթարեցիր։ Գոհություն պիտի մատուցենք քեզ, Տե՛ր, Աստվա՛ծ մեր, մեր համակ սրտով և պիտի փառավորենք քո անունը հավիտյան։
Հմմտ. Սաղմոս 85 Մեսրոպ վարդապետ Պարսամյան
