• Մեսրոպ վրդ. Պարսամյան

Պահիր նրանց աչքիդ բիբի պես



Մարդասե՛ր Տեր, գիշեր ու ցերեկ և ամեն ժամանակ աղաչում ենք Քեզ և խնդրում Քեզնից, լսի՛ր մեզ, Աստվա՛ծ, Փրկի՛չ մեր, լսի՛ր մեր խնդրանքները, որպեսզի ունայն չլինեն մեր ջանքերը, այլ ընդունի՛ր դրանք որպես արդարության գործ և աստվածպաշտության պտուղ։ Ընդունի՛ր, Տե՛ր, մեր աղոթքն ու երկրպագությունը և Քո ողորմությամբ վարձատրիր մեզ առատապես։


Պահպանի՛ր մեր զինվորներին Քո ամենազոր Աջի հովանու ներքո, զորացրու նրանց, Տե՛ր, Սուրբ Հոգուդ զորությամբ, պահի՛ր նրանց աչքիդ բիբի պես և բաղձալի հաղթանակը պարգևիր՝ քո Սուրբ անվան գովաբանության և փառաբանության համար։


Որովհետև բոլոր արարածների մշտնջենական փառաբանությունը բարձրունքներում Քո փառքի համար է՝ Հոր, Որդու և Սուրբ Հոգու, այժմ և միշտ և հավիտյանս հավիտենից. ամեն։


(Գիշերային Ժամերգության, Աղոթք ԱՁ, գրաբարից աշխարհաբարի փոխադրեց Մեսրոպ վարդապետ Պարսամյանը)

  • Grey Facebook Icon
  • Grey Instagram Icon
  • Grey Twitter Icon
  • YouTube

iLooys | Toward the Light

© 2016-2020 Fr. Mesrop Parsamyan. All rights reserved.