Մեսրոպ վրդ. Պարսամյան- Մեսրոպ վրդ. Պարսամյան
Խոսքի ուժը
«Գավազանի հարվածն այնքան չի ցավեցնում մարդուն, որքան լեզվի հարվածը: Թեկուզ լեզուն ոսկոր չունի, բայց ոսկոր է փշրում: Ինչպես որ կրակը ոչնչացնում է փայտը, այնպես էլ բամբասողի լեզուն՝ անմեղի ոսկորները: Ավելի շատ պետք է զգուշանալ խայթող լեզվից, քան կատաղի շան ժանիքներից … Հարկավոր է անարժան և անվայել խոսելուց զուսպ լինել, որպեսզի չդատապարտվես ըստ Տիրոջ վճռի. «Քո խոսքերով պիտի արդարանաս և քո խոսքերով պիտի դատապարտվես» (Մատթեոս 12:37)
- Պողոս Պատրիարք Ադրիանապոլսեցի
Մարդու խոսքը զորավոր է և իմաստություն է պետք՝ այն ճիշտ և տեղին կիրառելու համար։ Եթե չենք կարողանում բարի և գեղեցիկ բաներ ասել, հատկապես համացանցի վրա, ապա ավելի լավ է լռել։
Աղոթենք Սուրբ Ներսես Շնորհալի Հայրապետի «Հավատով Խոստովանիմ» աղոթքի բառերով.
Հոր իմաստություն` Հիսուս,
Տո՛ւր ինձ իմաստություն,
Որ ամեն ժամ Քո առաջ
Խորհեմ, խոսեմ և գործեմ բարին
Եվ փրկիր ինձ Չար խոհերից, խոսքերից և գործերից.
Եվ ողորմի՛ր Քո արարածներին
Եվ ինձ` բազմամեղիս:
