Երեկոյան աղոթք

«Փա՛ռք Քեզ, Տեր Աստված մեր, որ պարգևեցիր մեզ օրն այս բարությամբ և խաղաղությամբ անցկացնել: Մարդասեր Աստված, այս եկող գիշերվա ընթացքում, փրկիր մեզ մեղքերից, ազատիր չարից և առաջնորդիր դեպի բարի գործեր: Առավոտյան օրհնություններին ու փառաբանություններին արժանի դարձրու բոլոր նրանց, ովքեր հավատում են Քո սուրբ անվանը և պահիր խաղաղության մեջ: Տեր Աստված մեր, տուր Քո խաղաղությունն ամբողջ աշխարհին, վերացրու ցասումն ու պատուհասը Քո արարածներից: Սուրբ և պատվական խաչիդ նշանով հալածիր երևելի և աներևույթ թշնամուն, մեր սահմաններից և մեր բնակության վայրից, և Քեզ փառք հավիտյանս. Ամեն»:

Հատված Հանգստյան Ժամերգությունից

Գրաբարից աշխարհաբարի վերածեց Մեսրոպ վարդապետ Պարսամյանը